ئەيدىز گەرچە داۋاسىنىڭ يوقلۇقى، يۇقۇملانغان ئادەمنىڭ كۆپلۈكى ۋە ئۇزۇن مەزگىل يۇشۇرۇن تۇرۇشتەك ئالاھىدىلىكى بىلەن قورقۇنۇچلۇق ۋابا دەپ ئاتالسىمۇ، ئەگەر سىز ئۆز قىلمىشىڭىزغا مەسئۇل بولسىڭىز، يەنى زەھەرلىك چېكىملىك چەكمىسىڭىز، ھالال  جۆرىڭىزدىن باشقىلار بىلەن جىنسى مۇناسىۋەتتە بولمىسىڭىز، باشقىلارنىڭ قېنى ياكى باشقا بەدەن سۇيۇقلۇقلىرى تېنىڭىزگە كىرىپلا كەتمىسە، ئەيدىزدىن ھەرگىز يۇقۇملانمايسىز. دېمەك، ئەيدىز بىر خىل قىلمىش كېسىلى.

ئەيدىز ۋىرۇسىنى لابوراتورىيىلىك تەكشۈرگەندە نەتىجە < + > چىقىپ قالسا، تەكشۈرۈلگۈچى قانداق قىلىشى كېرەك؟  
دوختۇرخانىلاردا ياكى ئەيدىزنى مەخسۇس تەكشۈرۈش ئورگانلىرىدا تەكشۈرۈش ئارقىلىق ئەيدىز ۋىرۇسىدىن يۇقۇملانغانلىقى ئېنىقلانغان ۋاقىتتا، يەنى ئۆزىنىڭ ئەيدىز يۇقۇمدارى ئىكەنلىكىنى بىلگەن چاغدا ئۆزىگە قانداق مۇئامىلە قىلىش، كېسەللىككە قانداق قاراش ئىنتايىن مۇھىم مەسىلىدۇر.